Trump pezulloi sanksionet ndaj Rusisë, Zelensky e cilëson vendimin si të pafavorshëm

Presidenti amerikan Donald Trump ka pezulluar pjesën e sanksioneve të reja ndaj Rusisë, vetëm dy ditë para se të hynin në fuqi. Vendimi i Trumpit ka shkaktuar reagime të forta në Kongresin amerikan dhe në Ukrainë.

Sanksionet u miratuan nga Kongresi dhe u nënshkruan nga Trump gjatë muajit shtator, duke parashikuar masa ndaj zyrtarëve rusë, institucioneve financiare dhe flotës së cisternave që përdoret për të anashkaluar kufizimet. Sipas ligjit, presidenti amerikan i jepej të vendoste tarifa deri në 100% ndaj vendeve që blejnë më shumë naftë dhe gaz rus, përfshirë Kinën dhe Indinë.

Trump argumentoi se pezullimi i disa masave ishte në interesin kombëtar të SHBA-së. Vendimi vjen pas marrëveshjes për importin e naftës diezel nga Rusia, e cila ka tensionuar më tej marrëdhëniet mes Uashingtonit dhe Kievit.

Presidenti ukrainas Volodymyr Zelensky e cilësoi vendimin si të pafavorshëm, duke deklaruar se sanksionet mund të kishin ushtruar presion të madh mbi Moskën për të dhënë fund luftës. Sipas tij, sulmet ruse ndaj 15 objekteve energjetike të Ukrainës kishin shkaktuar ndërprerje të energjisë në disa rajone, në prag të dimrit.