Protestat studentore në Tiranë: Përplasje të forta dhe arrestime masive

Protestat studentore kundër qeverisë së kryeministrit Edi Rama kanë tërhequr vëmendjen e mediave ndërkombëtare. Protestuesit u përballën për orë të tëra me forcat e policisë, duke përfshirë hedhje gurësh, bomba molotov, përdorim të gazit lotsjellës dhe plumbave të gomeve.

Protesta e pestë nisi rreth orës 11:00 para Ministrisë së Arsimit, ku studentët u mblodhën fillimisht në mënyrë paqësore. Mes veprimeve simbolike ishte edhe djegia e një valixheje, e cila u hodh në oborrin e ministrisë si mesazh kundër emigrimit.

Situata u tensionua gjatë orëve në vijim, kur demonstruesit vijuan protestën në qendër të kryeqytetit. Sipas Al Jazeera, protestuesit hodhën gurë, bomba molotov dhe fishekzjarë në drejtim të policisë, ndërsa në disa zona u dogjën automjetet dhe kosha mbeturinash.

Për të kontrolluar situatën, në terren u angazhuan forcat e shumta policore, përfshirë shërbimet operacionale, forcat “Shqiponja” dhe njësitë speciale RENEA, sipas informacionit të raportuar për protestën. Policia ndërhyri me gaz lotsjellës, topa uji dhe plumba gome për shpërndarjen e turmës.

Al Jazeera, duke iu referuar agjencisë AFP, raporton se kjo ishte hera e parë që policia përdori plumba gome që prej nisjes së demonstratave. Përdorimi i tyre u konfirmua edhe nga drejtori i Policisë së Shtetit, Skender Hita, i cili deklaroi se ishte ndërhyrë në mënyrë të kufizuar.

Nga ana tjetër, BIRN ka dokumentuar përmes fotografive përplasjet në bulevardin “Dëshmorët e Kombit”, ku rrugët u mbuluan nga gazi lotsjellës, ndërsa protestuesit dhe efektivët u përballën mes gurëve, flakëve dhe barrikadave.

Pas trazirave, policia ndërroi një valë të gjerë arrestimesh ndaj personave të dyshuar për përfshirje në aktet e dhunës. Sipas shifrave të raportuara nga Al Jazeera, gjatë pesë ditëve të protestave janë arrestuar 167 persona, ndërsa 132 efektivë policie janë raportuar të lënë.

Vetëm gjatë protestës së shtunës, nëntë demonstrues dhe katër punonjës policie morën trajtim mjekësor. Ndërkohë, shtatë efektivë u pezulluan nga detyra në pritje të hetimeve për dyshime mbi tejkalimin e kompetencave gjatë ndërhyrjeve.

Protestat kanë marrë përmasa të mëdha, duke u shtrirë edhe jashtë Tiranës. Sipas raportimeve të cituara nga Al Jazeera, incidente janë regjistruar edhe në Durrës, ku janë dëmtuar objekte dhe janë ngritur barrikada në rrugë.

Ndërkohë, kryeministri Edi Rama ka refuzuar kërkesat për dorëheqje, duke deklaruar se do të dëgjojë shqetësimet e studentëve dhe do të mbrojë të drejtën e tyre për të protestuar, por pa toleruar aktet e dhunës dhe dëmtimin e pronës.

Media që s’e dorëzon pavarësinë e saj, i paraprine një qeverisje të ndershme. Pamfleti është një platformë mediatike analitike që u “lind” si domosdoshmëri e një tribune pa kompromis, si një zë i fuqishëm në luftën pa ekuivok ndaj krimit dhe korrupsionit politik në Shqipëri.