Zelensky flet për mundësinë e një takimi me Putin

Presidenti i Ukrainës, Volodymyr Zelensky, ka thënë se Shtetet e Bashkuara kanë propozuar një takim trepalësh me presidentin rus, Vladimir Putin. Zelensky ka thënë se takimi mund të zhvillohet në një vend të Lindjes së Mesme, siç janë Emiratet e Bashkuara Arabe apo Arabia Saudite, ose në Shtetet e Bashkuara gjatë samitit të G20-ës. Megjithatë, ai vuri në dukje se nuk ka asnjë konfirmim, as nga Rusia dhe as nga Shtetet e Bashkuara. Sipas tij, po shqyrtohet gjithashtu mundësia e një takimi në ndonjë nga vendet evropiane. "Do të shohim se si do të rrjedhin gjërat pak më vonë", shtoi Zelensky.