Protestat/ Koçeku për CNN: Të rinjtë po ndryshojnë marrëdhënien mes qeverisë dhe qytetarëve

Deputetja e pavarur, Marjana Koçeku, ka dhënë një intervistë për CNN, ku ka folur për situatën aktuale në vend dhe protestat studentore që po zhvillohen në Tiranë. Ajo ka thënë se protesta e njohur si "Revolucioni i Flamingove" e frymëzoi për të larguar nga Grupi Parlamentar i Partisë Socialiste.

"Kjo lëvizje më frymëzoi thellësisht, sepse kundër-shtonte disa politika që ishin krejtësisht kundër natyrës, kundër shqiptarëve dhe kundër asaj që ata kërkonin. Për këto arsye, të qenit pjesë e këtij grupi nuk përbënte më me parimet e mia dhe me identitetin tim si shqiptare, identitet që më është besuar të përfaqësoj në Parlament", tha Koçeku.

Ajo shtoi se ky zemërim është grumbullimi i një revolte shumëvjeçare, veçanërisht pas largimit masiv të të rinjve nga vendi, sidomos gjatë dhjetë viteve të fundit. "Kemi skandale të mendha korrupsioni, të cilat, sipas institucioneve të drejtësisë, mund të arrijnë në rreth 7% të buxhetit të shtetit për këto vit. Kemi skandalet e korrupsionit që përfshijnë kryetarët bashki dhe zyrtarë të tjerë. Por ajo që ka rëndësi të vëçante është arroganca e jashtëzakonshme e partisë në pushtet dhe përqendrimi i pushtetit në duart e vetëm një personi, që në këto rast është kryeministri Rama", tha Koçeku.

Ajo shtoi se njerëzit, veçanërisht brezi i ri, po ndryshojnë mënyrën se si duhet të jetë marrëdhënia mes qeverisë dhe qytetarëve shqiptarë. "Jo më me arrogancë, jo më me një korrupsion të tillë dhe jo më me një mungesë kaq të thellë transparencë", tha Koçeku.

Koçeku gjithashtu foli për dhunën policore ndaj protestuesve, veçanërisht ndaj të miturit. "Kam qenë vazhdimisht pjesë e këtyre protestave që prej nisjes së tyre, katër ditë më parë, dhe e kam parë me sytë e mi dhunën që Policia e Shtetit ka ushtruar ndaj studentëve, veçanërisht ndaj të miturit. I kanë goditur, kanë përdorur shkopinj dhe gaz irritues. Por një nga shkeljet më të rënda të të drejtave të njeriut është veprimi i policëve civilë, të veshur me rroba të zakonshme, të cilët po sillen në mënyrë të ngjashme me rrëmbime, duke marrë nga rruga të mitur dhe studentë dhe duke i dërguar në komisariat", tha Koçeku.

Ajo shtoi se kjo është një situatë jashtëzakonisht shqetësuese, sepse institucioni që pritet të na mbrojë po përdor të gjithë fuqinë e tij për të shtypur të shtypur zërin, kërkesat dhe lirinë e këtyre të rinjve.