Deputeti i PD: Kryeministri me gur në dorë që na jep leksion për dhunën

Deputeti i PD-së, Luçiano Boçi, ka reaguar ashpër ndaj kryeministrit Edi Rama, duke e akuzuar për hipokrizi në qëndrimet e tij për dhunën gjatë protestave dhe për trajtimin e studentëve protestues. Boçi e akuzon Ramën se po i etiketon studentët si "kriminale", ndërsa policinë e paraqet si viktimë dhe qeverinë si palë që promovon paqen. Ai pretendon se përgjegjësia për dhunën po i faturohet opozitës dhe faktorëve të huaj, ndërsa, sipas tij, po anashkalohet përgjegjësia e qeverisë për veprimet e policisë ndaj të rinjve. Boçi kërkon largimin e Ramës nga pushteti, duke e cilësuar atë si një hap të nevojshëm për rivendosjen e moralit politik.