"Protesta e rinisë në Shqipëri: "Na e dogjën rininë!"
Qytetarët shqiptarë janë në protestë në Tiranë për të kundërshtuar qeverinë dhe gjendjen ekonomike dhe sociale të vendit. Njëri prej protestuesve ka deklaruar se "rinia po humbas shpresën për të ndërtuar të ardhmen në Shqipëri" dhe se "ky vend nuk ka të ardhme pa rinia".
Protestat në Shqipëri vazhdojnë, me qytetarë që janë rikthyer para Ministrisë së Arsimit në Tiranë, një ditë pas përpleshave me forcat e policisë. Ata kanë kërkuar dorëheqjen e kryeministrit Edi Rama dhe kanë shprehur pakënaqësinë e tyre për gjendjen ekonomike dhe sociale.
Një 35-vjeçar ka shprehur revoltën e tij për situatën në vend, duke deklaruar se "rinia po humbas shpresën për të ndërtuar të ardhmen në Shqipëri". Ai ka kundërshtuar deklaratat e kryeministrit për praninë e personave të infiltruar në protesta.
"Unë do të iki jashtë, do të arratisem. Ky vend nuk ka të ardhme pa rinia. Na e dogjën rininë! Unë jam 35 vjeç, jemi të mbaruar. Ku është arsimi, shëndetësia, ku janë?" ka thënë qytetari.
Ai ka deklaruar se, pavarësisht mundësisë për të emigruar, dëshiron të qëndrojë në Shqipëri, duke shtuar se kushtet aktuale po e bëjnë gjithnjë e më të vështirë këtë zgjedhje.
"Nuk po edukohet një brez, por po shkatërrohet. E kam mundësinë të iki, por dua të jetoj këtu. Kjo që po na ndodh është e tmerrshme", ka thënë qytetari.
Qytetari ka kritikuar edhe funksionimin e institucioneve, ndërsa ka pretenduar se ndikimi i krimit po demton vendin dhe të ardhmen e qytetarëve. Ai ka thirrur shqiptarët të reagojnë dhe të mos qëndrojnë indiferentë.
Protesta e radhas zhvillohet pas incidenteve të një dite më parë në kryeqytet, ku pati përplesha mes demonstruesve dhe policisë. Protestuesit kanë denoncuar përdorimin e dhunës nga efektivët, ndërsa tubimet kundër qeverisë vijojnë.