"RENEA nuk është zgjidhje politike" / Ish-deputeti Paulin Sterkaj kundër Ramës: Policia s’mund të zgjidhë krizën politike

Policia e Shtetit nuk mund të mbahet pafundësisht nën presionin e një krize që buron nga politika. Efektivët e policisë nuk mund të kerkojnë të përballojnë ditë pas dite zemërimin e qytetarëve, ndërsa shkaqet e këtij zemërimi mbeten pa përgjigje.

RENEA nuk është një zgjidhje politike. Është një strukturë me përgjegjësi të veçanta, përdorimi i së cilës në situata protestash duhet të justifikohet me nevojë konkrete, të jetë proporcional dhe në përbërje me ligjin. Angazhimi i saj nuk është një vendim pa pasoja institucionale, profesionale dhe publike.

Dhuna, sulmet ndaj policëve dhe shkatërrimi i pronës janë të papranueshme. Askush nuk duhet të ketë imunitet nga ligji. Por asnjë akt dhunë nga një protestues nuk mund të shndërrohet në justifikim për përdorim të pakufizuar të forcave nga shteti. Përgjegjësia duhet të jetë individuale, ndërhyrja e policisë e domosdoshme dhe proporcionale, ndërsa çdo pretendim për tejkalim kompetencash duhet të hetohet.

Fëmijët dhe të miturit nuk mund të trajtohen pa kriter, as të bëhen objekt i një reagimi të pakontrolluar policor. Ata duhen mbrojtur. Çdo ndërhyrje ndaj tyre duhet të marrë parasysh moshën, sigurinë dhe të drejtat e tyre. Përballë të miturve, autoriteti i shtetit duhet të shfaqet përmes vetëpërmesmbajtjes dhe profesionalizmit, jo përmes ndëshkimit kolektiv.

Prandaj, sot, më shumë se kurrë, drejtuesit duhet të japin udhëzime të qarta për shmangien e përshtalljes, respektimin e proporcionalitetit dhe mbrojtjen e qytetarëve.

Urdhërat nuk duhet të prodhojnë një përplasje më të madhe sesa ajo që synojnë të ndalojnë. Por problemi kryesor nuk zgjidhet vetëm me urdhra për Policinë. Kur protestat shprehin pakënaqësi të thella politike dhe shoqërore, qeveria duhet të ketë kurajën të dëgjojë, të kuptojë dhe të u përgjigjet atyre. Nuk mjafton të kërkosh qetësi në rrugë, nëse nuk krijon një rrugëdalje politike nga kriza.

Si deputet për shumë mandate, si shqiptar, si socialist, besoj se e majta duhet të jetë në gjendje të dëgjojë qytetarët, sidomos të rinjtë, edhe kur kritikat e tyre janë të ashpra dhe të pakëndshme. Përgjegjësia për të qeverisur nuk është vetëm përgjegjësi për të ushtruar pushtetin; është, para së gjithash, përgjegjësi për të dëgjuar dhe për të gjetur zgjidhje.

Nuk është dobi të hapësh dialogun. Nuk është tërheqje të pranosh se një situatë kërkon korrigjim politik. Përkundrazi, kjo është shenjë force dhe përgjegjësie shtetërore. Sot Shqipëria nuk i duhet më shumë përlajse. I duhet më shumë përgjegjësi, më pak arrogancë dhe zgjidhje politike. Policia duhet të bëhet detyrën e saj brenda ligjit. Politika duhet të bëhet vetëm përpara qytetarëve. Nuk duhet t’i kalojmë uniformës barën e një krize që vetëm politika mund ta zgjidhë.