LIVE/ Protesta para Ministrisë së Arsimit, pas këngës dhe valleve nisin tensionet!

Protesta e shtatë ditëve të studentëve dhe qytetarëve të tjerë para Ministrisë së Arsimit, është nisur me tension. Në ditën e shtatë të protestës, protestuesit kanë kërcyer dhe kënduar në mes të rrugës, para efektivëve të Policisë. Njëri prej protestuesve, pasi u ka bërë thirrje bashkëprotestuesve të mos ushtrojnë dhunë ndaj efektivëve të Policisë, si dhe këtyre të fundit që të mos dhunojnë protestuesit, në shenjë revolte ka grisur certifikatën që i ishte dhënë nga ish-ministrja e Arsimit, Besa Shahini, si fitues i Olimpiadës së Historisë.