Plagosje në Lezhë: 65-vjeçari godet taksistin me thikë në bark
Një taksist 50-vjeçar është plagosur me thikë në bark nga një 65-vjeçar në Lezhë. Autori i dyshuar është shpallur në kërkim dhe grupi hetimor po punon për të sqaruar rrethanat dhe motivin e ngjarjes.
Një ngjarje e rëndë ka ndodhur në Lezhë, ku një taksist 50-vjeçar është plagosur me thikë në bark nga një 65-vjeçar. Raportohet se ngjarja ka ndodhur rreth orës 13:08 në rrethrrotullimin e Shëngjinit. Sipas policisë, ka qenë vetëm i plagosuri, i identifikuar me inicialet A.M., i cili ka njoftuar autoritetet për sulmin. 50-vjeçari është transportuar në spital për ndihmë mjekësore dhe ndodhet jashtë rrezikut për jetë. Si autor i dyshuar është identifikuar shtetasi me inicialet N.N., 65 vjeç, i cili është shpallur në kërkim nga policia. Sipas informacioneve paraprake, ai dyshohet se vuan nga probleme të shëndetit mendor. Ende nuk dihen shkaqet që çuan në plagosjen e taksistit, ndërsa grupi hetimor po punon për të zbardhën e rrethanave dhe kapjen e 65-vjeçarit. "Rreth orës 13:08, është marrë njoftim nga shtetasi A.M., 50 vjeç, banues në Lezhë, me profesion taksist, se në rrethrrotullimin e Shëngjinit është goditur me mjet prerës (thikë) në bark nga shtetasi N.N., 65 vjeç. 50-vjeçari është transportuar në spital për ndihmë mjekësore dhe ndodhet jashtë rrezikut për jetë. Autori i dyshuar, shtetasi N.N., 65 vjeç, dyshohet se vuan nga probleme të shëndetit mendor dhe është shpallur në kërkim. Grupi hetimor po punon për sqarimin e plotë të rrethanave dhe të motivit të ngjarjes, si dhe për kapjen e autorit të dyshuar", thuhet në njoftimin e policisë.