Aktualitet
Protestuesit zhvendosen në hyrje të Rrugës së Dibrës, u vënë flakën kazanëve të mbeturinave
Protestuesit janë zhvendosur në hyrje të Rrugës së Dibrës, pasi policia i shpërndau nga rruga e Durrësit. Ata kanë sulmuar me gurë dhe thyen xhamat e derës kryesore të selisë së Partisë Socialiste.
Pasi policia i shpërndau nga rruga e Durrësit, rreth orës 15:30, protestuesit janë vendosur në hyrje të rrugës së Dibrës. Përpara se të mbërrinin aty, disa prej tyre sulmuan me gurë dhe thyen xhamat e derës kryesore të selisë së Partisë Socialiste. Ndërkohë, pranë Ushtarit të Panjohur, u është vënë flaka disa kazanëve të mbeturinave, të cilët protestuesit i kanë zhvendosur në mes të rrugës.