I moshuari humb ndjenjat pranë Fakultetit të Shkencave të Natyrës gjatë protestave në Tiranë

Një i moshuar ka humbur ndjenjat pranë Fakultetit të Shkencave të Natyrës në Tiranë, gjatë protestave të shoqëruara me tensione dhe përplasje mes demonstruesve dhe forcave të policisë. Sipas informacioneve paraprake, i moshuari është ndjerë keq dhe më pas ka pasur gjendje të fiket, duke bërë të nevojshme ndërhyrjen e ekipeve të ndihmës.

Dyshohet se gjendja e tij mund të jetë shkaktuar nga ekspozimi ndaj gazit lotshelles, megjithëse kjo rrethanë nuk është konfirmuar ende. Për momentin nuk ka informacione të mëtejshme mbi gjendjen e tij shëndetësore.

Ngjarja është regjistruar gjatë ditës së gjashtë të protestave kundër qeverisë në Tiranë, të cilat janë shoqëruar me incidente dhe ndërhyrje të forcave të rendit.