Lufta në Sheshin Skënderbej
Protestuesit dhe policia janë në konfrontim në Sheshin Skënderbej në Tiranë, pas disa orësh tensionesh në zona të ndryshme të kryeqytetit.
Sheshi Skënderbej është kthyer në një fushë beteje të ashpra mes protestuesve dhe forcave të policisë, pas disa orësh tensionesh në zona të ndryshme të kryeqytetit. Policia ka futur automjetet ujëhedhëse në shesh dhe po përdor ujin me presion për të shpërndarë turmën, por demonstruesit nuk janë t'erhequr.
Disa të rinj kanë hedhur koktej Molotov në drejtim të ujëhedhëseve, ndërsa të tjerë kanë shkuar edhe më tej, duke u ngjitur mbi automjetet e policisë dhe duke tentuar të marrin kontrollin e tyre. Pavarësisht ndërhyrjes së forcave të rendit, një numër i madh i protestuesve vijon të qëndrojë në Sheshin Skënderbej, ku përplesjet po zhvillohen në afërsi të automjeteve ujëhedhëse.
Situata vjen pas disa orësh tensionesh në zona të ndryshme të kryeqytetit, ku policia ka përdorur gaz lotsjellës përpara Ministrisë së Brendshme, ndërsa protestuesit kanë hedhur molotovë, gurë dhe mjetë tymuese. Përplesha u regjistruan edhe te Blloku i Ministrive.
Gjatë ditës, forcat e rendit i ndoqën demonstruesit nëpër rrugët dhe lagjet e Tiranës, duke i shtyer drejt Bulevardit "Zogu i Parë", Unazës dhe zonës së Zogut të Zi. Megjithatë, qindra të rinj u rikthyen në qendër dhe u grumbulluan në Sheshin Skënderbej.
Ndërhyrja me ujëhedhëse nuk e ka shpërndarë turmën, ndërsa tentativat e disa protestuesve për t'u ngjitur mbi automjetet policore kanë rritur ndjeshëm rrezikun e përpleshes. Protestuesit vijojnë të kërkojnë dorëheqjen e kryeministrit Edi Rama, ndërsa përplesha në Sheshin Skënderbej vazhdon mes ujit me presion dhe sulmeve me koktej Molotov.