Nuk tërhiqen protestuesit, rinisin përplasjet në bulevard

Tensionet janë rikthyer në qendër të Tiranës. Pavarësisht ndërhyrjeve të vazhdueshme të policisë, qytetarët grumbullohen sërish pranë Ministrisë së Brendshme, ku shpërthejnë përplasje me gurë dhe gaz lotsjellës.

Protestuesit nuk tërhiqen nga rrugët e Tiranës. Përplasjet me policinë kanë rikthyer pranë Ministrisë së Brendshme, ku demonstruesit po hedhin gurë në drejtim të forcave të rendit, ndërsa efektivët po përdorin gaz lotsjellës për të shpërndarë turmën.

Tensionet janë rikthyer në këto zonë pas disa orësh konfrontimesh në pjesë të ndryshme të kryeqytetit. Pavarësisht ndërhyrjeve policore dhe zhvendosjes së vazhdueshme të demonstruesve, qytetarët janë mbledhur sërish pranë ministrisë.

Policia ka ndërhyrë me gaz lotsjellës, ndërsa protestuesit janë përgjigjur me gurë, duke rikthyer përballjen e drejtpërdrejtë mes dy palëve.

Më herët, turma u zhvendos nga Bulevardi “Deshmorët e Kombit” drejt Sheshit Skënderbej, ku forcat e rendit futën automjetet ujëhedhëse. Disa të rinj hodhën koktej Molotov në drejtim të tyre dhe tentuan të ngjiteshin mbi automjetet e policisë.

Përplasjet u shtrinë më pas në Rrugën “Mine Peza”, ku protestuesit sulmuan me molotov Komisariatin Nr. 3, duke shkaktuar zjarr në katin e parë të godinës.

Pas këtyre zhvillimeve, një pjesë e demonstruesve është rikthyer pranë Ministrisë së Brendshme, duke e kthyer sërish këto zonë në pikë përballjeje me policinë.

Në ditën e gjashtë të protestave kundër qeverisë së Edi Rame, forcat e rendit kanë përdorur vazhdimisht gaz lotsjellës dhe ujëhedhëse, por demonstruesit kanë vijuar të rigrumbullohen në rrugët e kryeqytetit.

Përplasjet pranë Ministrisë së Brendshme vijojnë mes hedhjes së gurëve nga protestuesit dhe ndërhyrjes së policisë me gaz lotsjellës, ndërsa kërkesa për dorëheqjen e kryeministrit Rama mbetet në qendër të protesteve.

Media që s’e dorëzon pavarësinë e saj, i paraprine një qeverisje te ndershme. Pamfleti është një platformë mediatike analitike që u “lind” si domosdoshmëri e një tribune pa kompromis, si një zë i fuqishëm në luftën pa ekuivok ndaj krimit dhe korrupsionit politik në Shqipëri.