Rama nxjerr sërish forcat RENEA në terren, blindat 'rrethojnë' Kryeministrinë

Forcat speciale RENEA janë vendosur në Bulevardin "Deshmorët e Kombit" për të siguruar mbrojtjen e Kryeministrisë, pasi protestat kundër qeverisë së Edi Rama janë ngjallur tension në Tiranë. Kjo është dita e dytë radhazi që RENEA angazhohet gjatë protestave në kryeqytet.

Sipas policisë, vendimi për të angazhuar forcat speciale erdhi pas informacioneve se mund të kryheshin vrasje apo krime të tjera. Autoritetet e paraqitën këto informacion si arsyen e ndërhyrjes së RENEA-s.

Ndërkohë, situata e sotme paraqet një zhvillim tjetër. Forcat speciale janë rikthyer në bulevard dhe automjetet e blinduara janë vendosur te hyrja e Kryeministrisë, me detyrë ruajtjen e objektit qeveritar.

Dislokimi i tyre vjen në një moment kur përplasjet mes protestuesve dhe policisë janë përshkallëzuar në disa zona të Tiranës. Gjatë ditës, demonstruesit kanë hedhur koktej Molotov, gurë dhe mjetë tymuese, ndërsa forcat e rendit kanë përdorur gaz lotsjellës dhe ujëhedhës.

Përplasjet janë regjistruar në Sheshin Skënderbej, pranë Ministrisë së Brendshme dhe të Bllokut të Ministrive. Në Rrugën "Mine Peza", protestuesit sulmuan me molotov edhe Komisariatin Nr. 3, duke shkaktuar zjarr në katin e parë të godinës.

Në këto situata, rikthimi i RENEA-s dhe vendosja e blindave te Kryeministrisë shtojnë masat e sigurisë rreth selisë së qeverisë, ndërsa protesta hyn në një tjetër fazë të tensionesh.

Ndryshe nga dje, kur policia e lidhi angazhimin e forcave speciale me informacionet për krime të mundshme, prania e tyre sot është përqendruar te mbrojtja e Kryeministrisë. Ende nuk është bërë publik ndonjë shpjegim tjetër për këto dislokim.

Protestuesit vijojnë të kërkojnë dorëheqjen e kryeministrit Edi Rama, ndërsa hyrja e godinës së qeverisë ruhet tashmë edhe nga forcat speciale RENEA dhe automjetet e tyre të blinduara.

Media që s’e dorëzon pavarësine e saj, i paraprine një qeverisje te ndershme. Pamfleti është një platformë mediatike analitike që u “lind” si domosdoshmëri e një tribune pa kompromis, si një zë i fuqishëm në luftën pa ekuivok ndaj krimit dhe korrupsionit politik në Shqipëri.