TIRANA NËN PUSHTETIN E TYMIT DHE ZJARRIT

Tirana është nën pushtetin e tymit dhe zjarrit, pasi protestuesit kanë hedhur koktej Molotov dhe fishekzjarrë në drejtim të godinës së Ministrisë së Brendshme në Tiranë. Dera kryesore e ministrisë është perfshirë nga flakët, pasi protestuesit kanë hedhur koktej Molotov dhe fishekzjarrë në drejtim të godinës.

Ngjarja ka ndodhur gjatë përplasjeve të forta mes demonstruesve dhe forcave të policisë, të cilat kanë vijuar gjatë gjithë ditën në disa zona të kryeqytetit. Hedhja e mjeteve ndezëse ka shkaktuar zjarr në hyrjen kryesore të ministrisë, duke e përshkallëzuar situatën në një nga pikat ku protestuesit janë përballuar vazhdimisht me forcat e rendit.

Më herët, pranë Ministrisë së Brendshme, policia përdori gaz lotsjellës për të shpërndarë turmën, ndërsa demonstruesit hodhën gurë dhe mjete tymuese. Pavarësisht ndërhyrjeve policore, protestuesit u rikthyen disa herë në këto zone.

Zjarri në hyrjen e ministrisë vjen pas një tjetër sulmi me molotov në Rrugën “Mine Peza”, ku protestuesit i vunë flakën katit të pare të Komisariatit Nr. 3.

Ndërkohe, në Bulevardin “Dëshmorët e Kombit” janë vendosur sërish forcat speciale RENEA, me automjete të blinduara pranë hyrjes së Kryeministrisë, për të garantuar sigurinë e godinës qeveritare.

Ende nuk ka të dëne për pamarsat e dëmeve që ka shkaktuar zjarri në hyrjen e Ministrisë së Brendshme apo për persona të lënduar nga ky incident.

Protesta kundër qeverisë së Edi Rama vijon në ditën e gjashtë, ndërsa sulmi me molotovë dhe fishekzjarrë ndaj hyrjes së Ministrisë së Brendshme shënon një tjetër episod të rendit të përplasjeve në kryeqytet.

Media që s’e dorëzon pavarësinë e saj, i paraprine një qeverisje te ndershme. Pamfleti është një platformë mediatike analitike që u “lind” si domosdoshmëri e një tribune pa kompromis, si një zë i fuqishëm në luftën pa ekuivok ndaj krimit dhe korrupsionit politik në Shqipëri.