Profesor amerikan: Dhuna sjell destabilitet si në ‘97, çdo ndryshim duhet të vijë vetëm përmes votës

Profesor amerikan Daniel Serwer, i cili ka shërbyer edhe si diplomat i Departamentit Amerikan të Shtetit në Ambasadën Amerikan në Romë, ka thënë se dhuna është e papranueshme në shoqëritë demokratike siç është Shqipëria. Ai ka thënë se protestat janë të pranueshme pasi njerëzit janë të mërzitur për shumë gjëra që nga çështjet studentore dhe ato të ndërtimeve, por dhuna është duke e diskredituar këtë protestë.

Serwer ka parë se çfarë destabilizimi mund të sjellin protestat e dhunshme dhe ka thënë se çdo lloj ndryshimi duhet të vijë përmes votës në rrugë paqësore jo të dhunshme. Ai ka thënë se mosbindje civile do të thotë jo dhunë, por një rezistencë pasive përballë forcave të sigurisë.

Serwer ka thënë se mundet ta përshkallëzojë situatën, por se ai nuk e di si Sali Berisha e ka kuptuar mosbindjen civile në Shqipëri. Ai ka thënë se është një ide shumë e keqe për Shqipëri të mbërriturin në përfundimin se përmes dhunës do të mund të largojnë kryeministrin Edi Rama.

Serwer ka thënë se nuk jam atje dhe t’ju them të drejtën e vështirë të jap një përgjigje për këtë, por qartësisht SHBA dhe Europa nuk duan të shikojnë dhunë në Shqipëri, një vend i cili është drejt rrugës së anëtarësimit në BE.

Ai ka thënë se ajo që unë dëshiroj të bëjnë amerikanët në Shqipëri, një vend aleat i NATO-s është vazhdimësia drejt rrugës europiane, por problemi është se amerikanët nuk e mbështesin BE-n, gjë të cilën e shohim në qëndrimet e Departamentit Amerikan të Shtetit për sa i përket Ballkanit Perëndimor.