Eurodeputeti Kols kritikon qeverinë shqiptare për trajtimin e protestuesve dhe gazetarëve

Eurodeputeti Rihards Kols, anëtar i Komisionit për Punët e Jashtme (AFET), ka kritikuar qeverinë shqiptare për mënyrën se si policia po përballet me protestuesit dhe gazetarët gjatë protestave në Tiranë. Ai ka deklaruar se Shqipëria paraqitet në Bruksel si një aleate e besueshme e NATO-s dhe si një vend që udhëheq procesin e anëtarësimit në Bashkimin Evropian, por në vendin e vet, policia i pret studentët dhe të miturit me plumba gome, gaz lotsjellës dhe granata shurdhuese.

"Shqipëria paraqitet në Bruksel si një aleate e besueshme e NATO-s dhe si një vend që udhëheq procesin e anëtarësimit në BE. Në vendin e vet, policia i pret studentët dhe të miturit me plumba gome, gaz lotsjellës dhe granata shurdhuese", deklaroi Kols.

Kols thekson se anësimi në aleancat perëndimore nuk lidhet vetëm me angazhimet diplomatike, por edhe me respektimin e standardeve demokratike brenda vendit.

"NATO dhe BE-ja janë aleanca demokratike. Të dy mbështeten te sundimi i ligjit dhe respektimi i qytetarëve. Gazi lotsjellës kundër studentëve dhe sulmet ndaj gazetarëve tregojnë tjetërën. Vlerat deshmohen në vendin tënd. Qeveria e Shqipërisë aktualisht po deshtron në këtë provë", shprehet ai.

Eurodeputeti ndalet edhe te deklaratat e kryeministrit Edi Rama, i cili ka pretenduar se pas protestave qëndrojnë ndikime të huaja, duke përmendur Rusinë dhe Iranin.

Kols e kundërshton këto shpjegime dhe e lidh zemërimit e të rinjve me korrupsionin dhe pandeshkueshmërinë.

"Të fajësosh 'ndërhynjen e huaj' për zemërimit e të rinjve shqiptarë ndaj korrupsionit dhe pandeshkueshmërisë është një fyerje për ta. Çdo rast i dhunës policore duhet të hetohet. Shqiptarët duhet të kenë të drejtën të vendosin vetë për të ardhmen e tyre", përfundon ai.

Reagimi i anëtarit të Komisionit të Punëve të Jashtme vjen në ditën e gjashtë të protestave dhe përplasjeve në Tiranë, ku policia ka përdorur gaz lotsjellës dhe ujëhedhëse, ndërsa demonstruesit kanë hedhur gurë, fishekzjarë dhe koktej Molotov.

Deklarata e Kols përqendrohet në tri kërkesa të qarta ndaj autoriteteve shqiptare: respektimin e qytetarëve dhe gazetarëve, hetimin e çdo rast i dhunës policore dhe njohjen e së drejtës së shqiptarëve për të përcaktuar vetë të ardhmen politike të vendit.