Valë protestash në Europë: Nga pakënaqësia sociale te lufta hibride
Protestat sociale dhe politike janë shpërthyera në të gjithë Evropën, duke përfshirë Francën, Italinë, Gjermaninë dhe Spanjën. Qytetarët janë dale në rrugë për të kërkuar zgjidhje për problemet e përditshme, siç është rritja e kostos së jetesës dhe përkeqësimit të shërbimeve publike.
Protestat në Francë janë ndër më të mëdha dhe më të dhunshmet. Rreth 700 mijë persona morën pjesë në demonstratat e fundjavës, ndërsa autoritetet raportuan mbi 1800 arrestime. Parisi ishte ndër zonat më të prekura nga incidentet. Protestat u nxitën nga rritja e çmimeve të karburanteve, kostoja e jetesës dhe pakënaqësia për shërbimet publike, veçanërisht në arsim.
Në Itali, demonstratat u shoqëruan me përplasje në Milano dhe Bolonja. Në Milano, policia përdori gaz lotsjellës pasi u sulmua me gurë dhe sende të tjera. Persona të maskuar tentuan të hynin në galerinë tregtare, ndërsa dyqanet mbyllën qepenat dhe stacioni i metrosë Duomo u mbyll përkohësisht.
Në Gjermani, më shumë se 45 mijë nxënës dhe të rinj protestuan në rreth 100 qytete kundër planeve për zgjerimin e shërbimit ushtarak dhe mundësisë së rikthimit të rekrutimit të detyrueshëm.
Në Spanjë, kriza e strehimit dhe rritja e çmimeve të qirave kanë nxitur protesta në Madrid. Demonstruesit kanë ngritur tenda në sheshin Puerta del Sol, duke kërkuar zgjidhje për kostot e larta të banimit dhe dëbimet.
Lufta hibride është një tjetër front që po merr rëndësi për sigurinë evropiane. Ajo nuk zhvillohet vetëm përmes fuqisë ushtarake, por edhe përmes sulmeve kibernetike, propagandës, dezinformimit dhe operacioneve të ndikimit që synojnë të shfrytëzojnë krizat e brendshme. Pamjet e dhunës në rrugë, lajmet e rreme, videot jashtë kontekstit dhe mesazhet e shpërndara në mënyrë të koordinuar po e zhvendosin një pjesë të konfrontimit nga terreni fizik në hapësirën informative.