Zjarri në Komisariatin nr. 3 në Tiranë, dosje të djegura dhe karrige të shkrumbuara

Protesta e zhvilluar në Tiranë sot është shoqëruar me tensione dhe incidente, ku disa institucione janë përfshirë nga flakët. Një nga këto institucione është Komisariati nr. 3 në rrugën "Mine Peza", ku zjarri ka përfshirë ambientet e recepsionit. Si pasojë e incidentit, disa efektivë policie kanë mbetur të plagosur dhe janë transportuar me ambulancë drejt spitalit për të marrë ndihmën e nevojshme mjekësore. Pamjet nga vendngjarja tregojnë pasojat e zjarrit brenda komisariatit, ku shihen dosje të djegura, karrige të shkrumbuara dhe xhama të thyer.