Dokumentet sekrete të CIA-s: Enver Hoxha dhe organizata e partisë në ushtri

Dokumentet sekrete të CIA-s tregojnë se Enver Hoxha kishte një organizatë të partisë në ushtri, e cila ishte e ngjashme me sistemin e organizmit civil të partisë. Organizata kishte seksione të ndryshme, duke përfshirë Drejtoria Politike, Zyra Politike, Zyra e Shtypit dhe Propagandës, dhe Zyra e Rinisë.

Drejtoria Politike e ushtrisë ishte e drejtuar nga gjenerali Hysni Kapo dhe nëndrejtori, kolonel Beqir Ndou. Drejtoria kishte si degë kryesore nëndrejtorin e Kulturës, të Agjitacion-Propagandës, nëndrejtorin e Rinisë, dhe degët e Organizimit dhe Financave. Organizata dhe të gjitha degët e saj gjenden në çdo divizion. Ata drejtoheshin nga shefi i Degës Politike dhe nga komisari, i cili kryente mbikëqyrjen e përgjithshme të organizatës, deri në nivel të kompanive.

Komisari politik zgjidhej nga njerëzit më të besuar të partisë dhe përgjigjen direkt te Drejtoria Politike e Ushtrisë, e drejtuar nga gjenerali Hysni Kapo. Seksioni politik i regjimentit përbëhej nga tre nën-seksione: zyra politike, zyra e shtypit dhe propagandës, si dhe zyra e të rinjve. Përveç shefit të seksionit politik, ishte edhe një komisar, i cili varej nga komisari i Divizionit.

Detyrat e komisarit të regjimentit ishin të ngjashme me komisarin e divizionit por në shkallë më të vogël. Nëse batalionet nuk e kishin këtë organizëm, por kishin Byronin e Batalionit. Më poshtë në nivel kompanie puna politike bëhej vetëm nga instruktori politik, i cili mbikëqyr skuadrat ushtarake me anë të njerëzve të tij të besuar. Roli i instruktorëve politikë në ushtri, ka të bëjë me zhvillimin e linjës politike të partisë, me anë të propagandës mes ushtarëve.

Këta instruktorë kanë çdo ditë dy orë në dispozicion programe trajnimi, ndërsa mbikëqyrja kryhet në bashkëpunim me njerëzit e Sigurimit, të cilët shtojnë dozën e terrorit mes individëve. Organizata e të rinjve drejtohej nga seksionet korrespondente të zyrave politike, dhe punon me ushtarët e moshave nga 20 deri në 25 vjeç, të cilët duhet të regjistrohen në organizatën e rinisë komuniste, edhe nëse nuk janë anëtarë të partisë.