Përmbytjet në Turqi, numri i viktimave rritet, kërkimet për të zhdukur vazhdojnë
Përmbytjet në Turqi, që filluan pas reshjeve të forta të së mërkurës, kanë shkaktuar dëme të konsiderueshme dhe kanë vënë në gatishmëri shërbimet e emergjencës.
Numri i viktimave nga përmbytjet e rënda në Turqi është rritur, pasi trupi i një burri u gjet mëngjesin e së hënës, pranë skelës së trageteve në Ayvansaray, në Stamboll. Sipas një deklarate të Prefekturës së Stambollit, viktima është identifikuar si një person që rezultonte i zhdukur pas reshjeve të dendura të shiut që goditën qytetin më 14 tetor. Ndërkohë, autoritetet turke vijojnë kërkimet për një person tjetër që rezulton i zhdukur, ndërsa po punohet për të vlerësuar pasojat e motit të keq. Reshjet e dendura shkaktuan përmbytje të mëdha në disa zona të qytetit, duke i kthyer rrugët në rrjedha të fuqishme uji dhe duke marrë me vete automjete. Situata detyroi gjithashtu mbylljen e shkollave dhe shkaktoi probleme të konsiderueshme në transportin ajror. Dhjetëra fluturime u detyruan të ndryshonin destinacion për shkak të kushteve të pafavorshme atmosferike, ndërsa autoritetet vijuan përpjekjet për të menaxhuar situatën dhe për të garantuar sigurinë e qytetarëve. Përmbytjet kanë shkaktuar dëme të konsiderueshme dhe kanë vënë në gatishmëri shërbimet e emergjencës. Autoritetet po vijojnë monitorimin e zonave të prekura, ndërsa kërkimet për personin e zhdukur mbeten prioritet.