Ministrja e Arsimit: Shkollat janë të gjitha të hapura, prindërit të distancojnë fëmijët nga dhuna!

Ministrja e Arsimit, Mirela Kumbaro, ka reaguar sërish për situatën në shkollat e Shqipërisë dhe ka thënë se të gjitha shkollat janë të hapura për nxënësit. Ajo ka thënë se punonjësit e Ministrisë së Arsimit nuk kanë ndaluar asnjë ditë punë dhe se shkollat janë të hapura dhe në funksion të plotë.

"Ajo u bëri thirrje prindërit të flasin me fëmijët e tyre dhe të distancojnë ata nga dhuna, ndërsa studentëve u ftua për dialog. "Punonjësit e Ministrisë së Arsimit nuk kanë ndaluar asnjë ditë punë, qoftë fizikisht, qoftë online për shkak se një pjesë e zyrave janë të dëmtuara. Gjatë fundjavës kemi qenë në komunikim pa pushim me sistem tonë arsimor që java tashmë rifillohet në të gjitha shkollat, ku ju presin krahëhapur mësuesit, drejtuesit, oficerët e sigurisë, punonjësit socialë. Jemi të gjithë në krye të detyrës. Dua t'u shpreh mirënjohjen time më të thellë të gjithë mësuesve për gjithë përkushtimin e dhënë dhe kohën jo vetëm për fëmijët, por për komunikimin me prindërit," tha Kumbaro.

Ministrja shprehu mirënjohjen për mësuesit, drejtuesit e shkollave, oficerët e sigurisë dhe punonjësit socialë, të cilët sipas saj kanë kontribuar që procesi mësimor të rifillohet në të gjitha shkollat.

"Të dashur prindër, kini besim te mësuesit. Por sidomos flisni me fëmijët tuaj. Çdo orë që ua merr dhuna, çdo minutë që shohin vandalizmat që i janë bërë qytetit tonë në rrjetet sociale, janë orë të humbura nga jeta e tyre. Koha e tyre është për edukim. Shkollat janë të hapura dhe në funksion të plotë," tha ajo.

Ministrja e Arsimit u drejtoi gjithashtu edhe studentëve, duke i ftuar ata për dialog.

"Studentë, kemi qenë në komunikim, edhe individualisht, gjatë gjithë këtij viti në këtë detyrë ku jam, dhe dua t'ju garantoj se dera e Ministrisë është e hapur, por edhe zemra e punonjësve të Ministrisë së Arsimit është e hapur. Gjërat bëhen me zemër dhe me deshirë për të ecur përpara. Në çdo çast jam gati të ulemi bashkë dhe të përmirësojë gjithçka që duhet bërë," u shpreh Ministrja e Arsimit Mirela Kumbaro.