Alarm për bombë në kryeministri, email-i vë në lëvizje institucionet shtetërore

Një email kërcënues për një seri sulmesh terroriste ka mbërritur në disa institucione shtetërore, duke përfshirë Kryeministrinë, ministritë, institucionet e drejtësisë dhe Bankën e Shqipërisë. Mesazhi përmban kërcënime për një seri sulmesh terroriste në territorin e Shqipërisë, ndërsa dërguesi pretendon se brenda ndërtesave është vendosur një mjet shpërthyes që përmban nitrat amoni (ANFO).

Mesazhi përmes të cilit është shpërndarë është një tekst i cili përmban kërcënime për një seri sulmesh terroriste në territorin e Shqipërisë. Dërguesi pretendon se brenda ndërtesave është vendosur një mjet shpërthyes që përmban nitrat amoni (ANFO) dhe se do të kryejë një seri sulmesh terroriste të planifikuara në territorin e vendit.

Alarmi ka sjellë evakuimin e Gjykatës dhe Prokurorisë së Fierit, ku administrata dhe personat e pranishëm në ambientet e institucioneve janë larguar nga godinat pas marrjes së kërcënimit. Në zonën është shtuar prania e forcave të Policisë, ndërsa pritet të kryhen verifikimet për të përcaktuar nëse kërcënimi është real.

Deri më tani, nuk ka një konfirmim zyrtar për praninë e mjeteve shpërthyese në institucionet që kanë marrë mesazhin. Gjithashtu, nuk ka të dhëna të konfirmuara për evakuime në Kryeministri apo në institucionet e tjera shtetërore të përfshira në kërcënimin.