Tensione në Elbasan: nxënësit tentojnë të rrëzojnë derën e një shkolle

Një grup nxënësish ka nisur një marshim në rrugët e Elbasanit, duke kërkuar mbështetjen e bashkëmoshatarëve të tyre nga shkollat tjera të qytetit. Gjatë marshimit, protestuesit u ndalën përpara gjimnazit "Kostandin Kristoforidhi", ku u bënë thirrje nxënësve të dalin nga mësimi dhe të bashkohen me tubimin. Situata u tensionua kur disa prej tyre tentuan të rrëzojnë derën e shkollës. Efektivët e policisë u ndërhynë dhe i larguan protestuesit nga ambientet e gjimnazit. Pas ndërhynies së policisë, grupi vazhdoi lëvizjen nëpër qytet, duke u drejtuar drejt institucioneve të tjera të arsimit për të zgjeruar pjesëmarrjen në protestën. Deri në këtë fazë, nuk ka informacion mbi numrin e nxënësve që i janë bashkuar marshimit apo mbi ndonjë incident tjetër gjatë zhvillimit të tij.