Mësimi nuk zhvillohet normalisht në shkollat dhe fakultetet e Tiranës

Mësimi nuk ishte ndërprerë në të gjitha institucionet, por as nuk po zhvillohej normalisht për të gjithë nxënësit dhe studentët, siç sugjeron deklarata e Ministrës së Arsimit, Mirela Kumbaro. Vetëm një pjesë e studentëve po marrin pjesë në mësim, ndërsa të tjerët kanë rënë dakord për bojkotimin e mësimit për të nisur në mesditë protestën. Nxënësit kanë rënë parimisht dakord nëpër grupe të hapura në Whatsapp, që një pjesë të zhvillojnë mësim dhe një pjesë të bojkotojnë. Disa nxënës që kanë zgjedhur të bëjnë mësim, nuk e kanë bërë këtë zgjedhje si formë strategjie, por sepse kanë dashur të zhvillojnë mësim normalisht. Situata e ngjashme u konstatua edhe në gjimnazet “Partizani” dhe “Sami Frashëri”.