Binaj: Tatimi ndryshon qasjen pas protestave, bizneset duhet t'u kërkojnë rishikim të këstes

Drejtori i Përgjithshëm i Tatimeve, Ilir Binaj, tha se qasja e tatimeve ka ndryshuar tjerësisht pas protestave të bizneseve. Ai shtoi se administrata tatimore po punon me orar të reduktuar për shkak të situatës dhe nuk është fokusi i tyre që të mbledhin sa më shumë të ardhura.

Binaj tha se shkresat që u kërkuan bizneseve janë hartuar përpara fillimit të protestave, rreth dy javë më parë dhe mund të kenë mbërritur tani përmes postës. Ai shtoi se rivlerësimi u bë bazuar në ecën e 9 mujorit dhe se në bazë të ligjit inspektori tatimor shikon ecën e xhirovet, në mënyrë që të mos ndikohen dhe biznesi duhet të provojë tendencën e fitimeve.

Neni 63, pika 5, të ligjit nr. 29/2023, "Për tatimin mbi të ardhurat" parashikon se administrata tatimore mund të korrigjojë në rritje parapagimet e tremujorit të fundit të vitit, nëse nga të dhënat e nentemujorit rezulton se të ardhurat mesatare mujore të biznesit janë rritur me më shumë se 10% krahasuar me periudhën e mëparshme. Udhëzimi zbatues nr. 26/2023 përcakton se rritja e këstes nuk mund të tejkalojë 75% të përqindjes së rritjes së të ardhurave. Megjithatë, ligji u njeh bizneseve edhe të drejtën të kërkojnë uljen e parapagimeve, nëse provojnë se fitimi i tatueshëm i pritshmë është ndjeshëm më i ulët.

Binaj tha se pas protestave qasja ka ndryshuar tjerësisht. Administrata Tatimore po punon me orar të reduktuar për shkak të situatës dhe nuk është fokusi i tyre që të mbledhin sa më shumë të ardhura. Përkundrazi, ai shtoi se nëse bizneset kanë pretendime, apo janë dëmtuar nga situata, nuk kanë flukse të ardhurash dhe nuk e shohin të mundur të paguajnë këto këste duhet të kërkojnë rishikim të këstes.