Ambasada e Zvicrës: Ulni tensionet, përparësi dialogut

Ambasada e Zvicrës në Tiranë ka reaguar në lidhje me protestat në Shqipëri. Ambasada e Zvicrës bën thirrje për ulje të tensionesh dhe të jepet përparësi dialogut. “Zvicra është shqetësuar për shpërthimin e fundit të dhunës dhe shkatërrimin e pronës publike dhe private gjatë demonstratave në Shqipëri. U bën thirrje të gjitha palëve të ushtrojnë përmajtje, të ulin tensionet dhe të jepin përparësi dialogut konstruktiv. E drejta për tubim paqësor është thelbësore për një shoqëri demokratike. U bën thirrje autoriteteve që të garantojnë dhe mbrojnë plotësisht të drejten për tubim paqësor, si dhe lirinë e medias; u bën thirrje forcave të sigurisë që të veprojnë në përputhje me standardet ndërkombëtare të të drejtave të njeriut”, thuhet në reagim.