Zvicra: Jemi shqetësuar për shpërthimin e dhunës në Shqipëri

Ambasada e Zvicrës në Tiranë ka reaguar për situatën e rënë në Shqipëri, duke shprehur shqetësimin për shpërthimin e dhunës dhe shkatërrimin e pronës publike dhe private gjatë demonstratave. Në një reagim publik, ambasada u ka bërë thirrje të gjitha palëve të ushtrojnë përmajtje, të ulin tensionet dhe të japin përparësi dialogut konstruktiv.

Zvicra thekson se e drejta për tubim paqësor është thelbësore për një shoqëri demokratike. Në këtë kuadër, ambasada u ka kërkuar autoriteteve të garantojnë dhe mbrojnë plotësisht të drejten për tubim paqësor dhe lirinë e medias. Gjithashtu, ambasada u ka bërë thirrje forcave të sigurisë që të veprojnë në përputhje me standardet ndërkombëtare të të drejtave të njeriut.

“Zvicra është shqetësuar për shpërthimin e fundit të dhunës dhe shkatërrimin e pronës publike dhe private gjatë demonstratave në Shqipëri. U bëjmë thirrje të gjitha palëve të ushtrojnë përmajtje, të ulin tensionet dhe të japin përparësi dialogut konstruktiv. E drejta për tubim paqësor është thelbësore për një shoqëri demokratike. U bëjmë thirrje autoriteteve që të garantojnë dhe mbrojnë plotësisht të drejten për tubim paqësor, si dhe lirinë e medias; u bëjmë thirrje forcave të sigurisë që të veprojnë në përputhje me standardet ndërkombëtare të të drejtave të njeriut.” -thuhet në reagim.