Euro bie përsëri, i afrohet kufirit të 91 lekëve

Euro është rënë përsëri dhe afrohet kufirit të 91 lekëve, sipas kursit zyrtar të këmbimit të Bankës së Shqipërisë. Kursi i këmbimit Euro-Lek ka nisur javën në rënien në mesditë dhe ka prekur një minimum të ri historik.

Sipas kursit zyrtar të këmbimit të Bankës së Shqipërisë, monedha europiane u këmbyen sot me 91.1 lekë, niveli më i ulët i regjistruar ndonjëherë. Rënja vjetore e kursit Euro-Lek po zgjerohet më tej dhe ka arritur nivelin 6.1%.

Ekspertët të tregut të këmbimeve valutore thonë se tregu po shfaq kërkesë të dobët për Euro, ndërsa oferta e monedhës europiane ngelet e lartë.

Veç prurjeve nga turizmi që tashmë janë të pranishme pothuajse gjithë vitin, burimet thonë se një ofertë e lartë e Euros po vjen edhe nga transaksionet automatike financiare që procesohen nëpërmjet sektorit bankar, si blerjet me kartë krediti në valutë apo të ardhurat e vete të bankave nga interesat e instrumenteve financiare në valutë të huaj.

Statistikat kanë treguar një përmirësim të Bilancit të Pagesave gjatë këtij viti, faktor që mund të shpjegojë në një masë të madhe rënien me ritme më të shpejta të Euros për këtë vit.

Për gjysmën e pare të vitit 2026, deficiti i llogarisë korrente pësoi rënien me gati 41% krahasuar me të njëjtën periudhë të vitit të kaluar. Deficiti i llogarisë korrente për 6-mujorin ka shënuar një nivel më i ulët që prej vitit 2018.

Ulja e deficitit ka ardhur kryesisht nga rritja e eksporteve të shërbimeve dhe nga remitancat. Ndikimi në bilancin e përgjithshëm të pagesave po jep edhe rritja e investimeve të huaja direkte. Për 6-mujorin 2026, vlera e përgjithshme e investimeve të huaja direkte arriti në 1.144 miliardë euro, me një rritje prej 50% krahasuar me të njëjtën periudhë të vitit të kaluar.

Gjithashtu, një efekt shtesë duket se ka ushtruar edhe suficiti i lartë fiskal, që ka ulur ofertën e Lekut në treg. Për 8-mujorin 2026, buxheti ishte në suficit në vlerën e 61.6 miliardë lekëve, në rritje me 52% krahasuar me të njëjtën periudhë të një viti më parë.

Përballë presioneve të shtuar mbi kursin e këmbimit, Banka e Shqipërisë ka rritur më tej blerjet e valutës këtë vit.

Sipas informacionit mbi ndërhyrjet në tregun e parasë, gjatë tremujorit të dytë të këtij viti Banka Qendrore ka blerë gjithsej 524 milionë euro, shifër kjo 224% më e lartë krahasuar me të njëjtën periudhë të një viti më parë.

Nga këto, 143 milionë euro ishin blerje të realizuara nëpërmjet ankandëve të programuar, në funksion të rritjes së rezervave valutore, ndërsa 381 milionë euro ishin blerje direkte, në përmblushje të objektivave të politikës monetare dhe stabilitetit financiar.

Duke shtuar edhe 139.6 milionë euro të blera në ankandet e tremujorit të pare, vlera totale e blerjeve për 6-mujorin 2026 ka arritur në 663.6 milionë Euro.

Blerjet e gjysmës së pare të vitit 2026 po ndjekin trajektoren e blerjeve të mëdha të valutës nga Banka e Shqipërisë duke filluar nga viti 2024. Në periudhën 2024-2025, blerjet arritën vlerën e më shumë se dy miliardë eurove. Vetëm vitin e kaluar, Banka e Shqipërisë bleu 1 miliard e 27 milionë euro në tregun e brendshëm.