735 pedagogët apeluan për zgjidhje politike, ndalimin e dhunës ndaj studentëve dhe bashkëpunim me protestuesit
735 pedagogë kanë firmosur një deklaratë me 5 pika, duke kërkuar dorëheqjen e kryeministrit Edi Rama dhe krijimin e një qeverie kujdestare për të siguruar stabilitetin institucional dhe respektimin e vullnetit të qytetarëve.
Pedagogët kanë firmosur një deklaratë me 5 pika, duke kërkuar zgjidhje politike për situatën e studentëve dhe ndalimin e dhunës ndaj tyre. Deklarata është iniciuar nga Forumi për Dialog Politik dhe ka firmuar 735 pedagogë, duke përfshirë emra të njohur të botës akademike dhe jetës publike.
Në deklaratën e tyre, pedagogët thonë se janë "të tronditur nga dhuna e pajustifikuar e ushtruar ndaj studentëve" dhe kërkojnë që kryeministri Edi Rama të dëgjojë kërkesat e studentëve dhe të hapë rrugë paqëtimit të vendit. Ata kërkojnë dorëheqjen e tij dhe krijimin e një qeverie kujdestare, e cila duhet të sigurojë stabilitetin institucional, qetësimin e situatës dhe respektimin e vullnetit të qytetarëve.
Pedagogët gjithashtu kërkojnë që Policisë dhe aktorëve të tjerë të ruajtjes së rendit të ndalojnë çdo akt dhune ndaj studentëve dhe të refuzojnë zbatimin e urdhrave që firmëtarët i konsiderojnë të paligjshëm. Ata gjithashtu kërkojnë që përfaqësive diplomatike në Tiranë të ndërhyjnë publikisht për respektimin e të drejtave të qytetarëve.
Në pikën e katërt, pedagogët bëjnë thirrje protestuesve të mbrojnë bizneset dhe pronën publike e private, për t’i hequr, sipas tyre, çdo justifikim qeverisë për ushtrimin e dhunës dhe delegjitimimin e protestës.
Në pikën e pestë, pedagogët bëjnë thirrje qytetarëve të Tiranës që të bashkohen me studentët për të pamundësuar dhunën ndaj tyre. "Nëse ne jemi liderë në auditorët e universiteteve, sot studentët janë liderë tanë në shesh. Bashkohuni me ne për t’i mbrojtur nga dhuna", thuhet në fund të deklaratës.