NATO rishikon strategjinë ushtarake për të përgaditur Aleancën për një sulm rus deri në vitin 2029

NATO po hyn në një fazë të rëndësishme të rishikimit të strategjisë së saj ushtarake, në një kohë kur rriten shqetësimet për mundësinë e një sulmi rus ndaj një vendi anëtar deri në vitin 2029. Aleanca pritet të përcaktojë nevojat e saj për trupa, armatime dhe sisteme moderne mbrojtjeje, si dhe mënyrën se si do të financohen kapacitetet e reja.

Sipas raportimeve nga mediat e huaja, procesi përfshin 32 vende anëtare dhe synon të përcaktojë përgjegjësitë konkrete të secilit shtet për forcimin e mbrojtjes kolektive. Një faktor i shtesë pasigurie është mundësia e reduktimit të pranisë ushtarake amerikane në Evropë, çka do të detyronte aleatët evropianë të merrnin përsipër një pjesë të madhe të barrës së sigurisë.

Negociatat do të zhvillohen në kuadër të Procesit të Planifikimit të Mbrojtjes së NATO-s (NDPP), përmes të cilit identifikohen kapacitetet e nevojshme dhe ndahen detyrat mes vendeve anëtare. Pesë çështje që do të përcaktojnë ardhmen e NATO-s.

1. Sa trupa dhe armatime i nevojiten Aleancës?

Një nga sfidat kryesore është përcaktimi i numrit të ushtarëve dhe kapaciteteve ushtarake që NATO duhet të ketë në dispozicion për të përgjigjur kërcënimeve. Aleatët do të shqyrtojnë nëse planet aktuale të mbrojtjes duhet të përditësohen më shpejt, për të përballuar zhvillimin e teknologjive të reja, përfshirë inteligjencën artificiale dhe sistemet autonome.

2. Si do të zëvendësohen kapacitetet amerikane në Evropë?

Mundësia e tërheqjes së një pjesë të forcave amerikane përballë një nga sfidat më të madhe për Aleancën. Evropa mund të përballet me mungesë në fusha të rëndësishme, si transporti ajror, furnizimi me karburant i avionëve, raketat me rreze të gjatë veprimi dhe inteligjenca ushtarake.

3. Si do të ndahet vëmendja mes krahëve të NATO-s?

Ndërsa kërcënimin rus mbetet në qendër të vëmendjes, vendet anëtare nuk kanë të njëjtin prioritet gjeografik. Shtetet e Evropës Lindore kërkojnë forcimin e mbrojtjes përballë Rusisë, ndërsa disa aleatë të tjerë kërkojnë më shumë vëmendje ndaj Mesdheut, Detit të Zi dhe krahut jugor e juglindor.

4. Dronët dhe teknologjia e re përballë tankeve dhe artilerisë

Lufta në Ukrainë ka treguar rëndësinë në rritje të dronëve dhe sistemeve pa pilot në operacionet moderne ushtarake. Për këto arsye, NATO duhet të përcaktojë se sa burime do të investojë në teknologjitë e reja dhe sa do të vazhdojë të mbështetet armatimet tradicionale.

5. Çfarë duhet të mësojë NATO nga lufta në Ukrainë?

Përvoja ukrainase ka nxjerrë në pah rëndësinë e dronëve, sistemeve të mbrojtjes ajrore, raketave dhe teknologjive që mundësojnë shkëmbimin e shpejtë të informacionit në fushën e betejës. Për këto arsye, po shqyrtohen mundësitë për bashkëpunim më të ngushtë me Ukrainën në fushën ushtarake.