Protestueset përplasen verbalisht me policinë para Kryeministrisë: Do të shkoni në Strasburg
Protestueset kanë përplasur verbalisht policinë para Kryeministrisë, duke kundërshtuar veprimet e policisë dhe arrestimet e të rinjve gjatë protestave në Tiranë.
Tensione dhe debate verbale janë shënuar para Kryeministrisë, ku dy protestuese kanë kundërshtuar veprimet e policisë dhe arrestimet e të rinjve gjatë protestave në Tiranë.
Njëra prej protestueseve shprehin indinjatën për arrestimet, duke deklaruar se ka frikë t'i dërgojë fëmijët në shkollë, nga frika se mund të shoqërohen nga policia gjatë protestave. "Lironi fëmijët tanë! Po i mbaj fëmijët në shtëpi, nuk i çoj në shkollë. Turp t'ju vijë!", u shpreh ajo e revoltuar.
Avokatja Entela Koja paralajmëroi ndjekje ligjore ndaj efektivëve, duke deklaruar se çështja do të dërgohet në Gjykatën Evropiane të të Drejtave të Njeriut në Strasburg. "Do të shkoni në Strasburg. Do të dënoheni për pengmarrjen e rinisë shqiptare", iu drejtua ajo policëve.