Protestuesja: Shqipëria është e padrejtë, bëhuni bashkë dhe luftoni për të drejtat tuaja
Protestuesja shpreh se Shqipëria është e padrejtë dhe se vetëm miku dhe leku bën punë në vendin tonë. Ajo thotë se shqiptarët duhet të ngrihen për të drejtat e tyre dhe të mos kenë frikë nga policia.
Një nga protestueset, duke folur për News24, tha se Shqipëria ka padrejtësi. Ajo u shpreh se në Shqipëri vetëm miku dhe leku bën punë. Protestuesja kishte një mesazh, duke thënë se shqiptarët duhet të ngrihen për të drejtat e tyre. "Ka një mesazh për të gjithë shqiptarët, bëhuni bashkë dhe mos kini frikë nga policia", tha ajo. "Gocat kanë dalë më burrnesha sesa çunat. Mos u fryni nëpër lokale, por dilni këtu dhe të jemi të gjithë bashkë. Unë protestoj për çdo gjë, asgjë nuk shkon mirë. Këtu ka korrupsion, problem është punësimi. Këtu bëhesh kamerier me mik. Këtu vetëm miku e leku funksionon."