Rikthimi i tensioneve në Tiranë

Tensionet janë rikthyer në Tiranë, ku protestuesit kanë zhvendosur drejt Sheshit Skënderbej. Forcat e policisë po ndjekin lëvizjen e protestuesve, duke përdorur gaz lotshelles për të shpërndarë turmën dhe për të shmangur përshkallëzimin e mëtejshëm të situatës.

Zhvendosja e protestuesve drejt qendrës së Tiranës vjen pas incidenteve të regjistruara pranë Ministrisë së Brendshme, ku një grup i rinjsh sulmuan godinën e institucionit dhe efektivët e policisë të vendosur aty.

Përballë këtyre veprimeve, forcat e rendit ndërhynë me gaz lotshelles, duke rikthyer tensionet pas një periudhe relativisht të gjatë qetësie gjatë protestës.

Më herët, protestuesit ishin larguar nga godina e Kryeministrisë, ku kishin qëndruar për disa orë, duke nisur marshimin përgjatë Bulevardit “Dëshmorët e Kombit” dhe më pas drejt institucioneve të tjera shtetërore.

Protesta, e cila ka hyrë në ditën e saj të shtatë kundër qeverisë së kryeministrit Edi Rama, është shoqëruar me përplasje të herëpas hershme mes demonstruesve dhe forcave të policisë.