TIRANA NË FLAKË, RAMA ZBULON SKENARËT E REVOLTAVE

Protestat kundër qeverisë shqiptare janë shoqëruar me përplasje mes demonstruesve dhe policisë. Studentët kundërshojnë kushtet e vështira të jetesës dhe studimit, ndërsa aktivistët e njohur si "flamingot" protestojnë kundër korrupsionit dhe projektit të një resorti luksoz në një zonë të mbrojtur bregdetare.

Kryeministri Edi Rama pretendon se pas përshkallëzimit të dhunës qëndrojnë ndikime nga Rusia dhe Iran. Ai deklaroi se autoritetet neutralizuan tri ditë më parë një dron me lende shpërthyese, i cili, sipas tij, synonte të godiste selinë e qeverisë në Tiranë.

Rama pretendon se pas këtij plani qëndrojnë aktorë të huaj. Ai e ka ngritur këto dyshime në fillim të protestave, të cilat gjatë javës së fundit janë shoqëruar edhe me sulme ndaj ndërtesave publike, bankave dhe dyqaneve.

Mbrëmjen e së dielës, protestuesit i vunë flakën edhe katit përdhes të një komisariati policie. Sipas raportimeve, të pakten 16 efektivë mbetën të plagosur.

Kryeministri tha se droni kishte si objektiv një instalacion tredimensional në oborrin e brendshëm të Kryeministrisë, një hapësirë që përdoret për aktivitete dhe takime zyrtare.

"Zoti e di se cilat do të kishin qenë pasojat", deklaroi Rama.

Ai shtoi se një operacion i tillë nuk mund të ishte konceptuar dhe realizuar nga të rinjtë apo studentët.

"Nuk janë as të rinjtë, as studentët dhe as të miturit ata që mund të mendojnë një plan të tillë, e aq mirë pak ta vënë në zbatim. Kjo është një dorë e huaj", u shpreh kryeministri.

Akuzat ndaj Rusisë dhe Iranit, reagon Moska

Për të mbështetur pretendimet e tij mbi ndërhyrjet e jashtme, Rama iu referua edhe një postimi në platformën X të Aleksandrit Dugin, figurë e njohur e mendimit nacionalist rus, të cilin disa e konsiderojnë ideolog të presidentit Vladimir Putin.

Në postimin e tij, Dugin kishte shprehur mbështetje për protestat në Shqipëri.

Kryeministri shqiptar deklaroi gjithashtu se autoritetet disponojnë informacione për ndërhyrje të huaj në rrjetet sociale, duke përmendur edhe Iranin.

"Kemi shumë informacione për ndërhyrjen në rrjetet sociale të duarve të huaja", tha Rama.