Avioni austriak devijon në Bullgari pas kërcënimit për bombë

Avioni austriak Austrian Airlines, që po fluturonte nga Tel Aviv në Vjenë, u detyrua të devijonte në Bullgari pasi e mori një kërcënime për bombë. Ekuipazhi i avionit vendosi të bënte një ulje emergjente në Sofje, kryeqytetin e Bullgarisë, pasi u kërcënua për një bombë ndërsa po i afroheshin Rumanisë. Pasagjerët u evakuuan nga avioni pas uljes. Forcat ajrore bullgare ngritën një avion luftarak MiG-29 për të shoqëruar avionin si pjesë e procedurave të percaktuara. Kompania ajrore Austrian Airlines tha se 51 pasagjerë dhe gjashtë anëtarë të ekuipazhit ndodheshin në bordin e fluturimit. Kontrolli i sigurisë i avionit, një Airbus A320, filloi pasi ai u ul në menyre të sigurt në Sofje rreth gjysmë ore pas kërcënimit.