Kisha Ortodokse: Vendet e shenjta nuk janë hapësira konflikti

Kisha Orthodhokse Autoqefale e Shqipërisë ka shprehur shqetësimin dhe bën thirrje për respektimin e vendeve të shenjta, pas pamjeve të përplasjeve në oborrin e Katedrales “Ngjallja e Krishtit” në Tiranë. Ato asnjëherë nuk janë hapësira konflikti e përplasjeje dhe nuk i pranojnë ato. Kisha nënvizon rëndësinë e katedrales si një vend lutjeje dhe shërbesash fetare, ku përcillet mesazhi i paqes. Kisha Ortodhokse Autoqefale e Shqipërisë bën edhe njëherë thirrje për distancim nga dhuna dhe gjetjen e hapësirës së dialogut.