Trump nuk kursen mbështetjen për Bibin, i quajnë "njeriun që duan në krah"

Disa ditë para zgjedhjeve të përgjithshme të Izraelit, Kryeministri Benjamin Netanyahu mori mbështetjen e mikut të tij të hershëm, Presidenti i SHBA-së Donald Trump. Netanyahu publikoi një video në llogaritë e tij në Twitter, duke treguar bisedimet me Presidentin e SHBA-së. "Jam shumë mirënjohës për këtë mbështetje të jashtëzakonshme", i tha Netanyahu Trumpit, duke e quajtur atë "një udhëheqës të jashtëzakonshëm të botës së lirë dhe, deri tani, mikut të madh që Izraeli ka pasur ndonjëherë dhe do të ketë ndonjëherë në Shtëpinë e Bardhë". "Donald, ne kemi një punë për të bërë në Iran... dhe do ta bëjmë së bashku. Do ta bëjmë dhe askush tjetër nuk do ta bëjë", tha Netanyahu. Trump përgjigjet duke i thënë Netanyahu: "Ti je një luftëtar. Vendi yt të ka trajtuar padrejtësisht dhe ndoshta edhe të tjerët... Por ti je një luftëtar i madh dhe ne do ta vërtetojmë këto". "Mendoj se je i shkëlqyer. Që në fillim e kisha ndër mend ta bëja për të shprehur mbështetjen time. Mendoj se do të kesh një fitore të madhe, me të vërtetë", vazhdon Trump, duke shtuar "ti je njeriu që dua në krah, Bibi". Netanyahu shton se të dy udhëheqësit kanë gjithashtu punë për të bërë në zgjerimin e Marrëveshjeve të Abrahamit, pa përmendur publikisht asnjë vend.