TENSIONET TE PARKUT RINIA: Protestuesit debatojnë me efektivët
Protestë në Parkun Rinia, efektivët dëbuan qytetarët me forcë, debati me qytetarët.
Tensionet dhe ndërhyrjet e dhunshme në qendër të Tiranës nuk kanë kursyer as hapësirat publike më të frekuentuara të kryeqytetit. Pas rrethimit të Bulevardit dhe institucionet qendrore, protestuesit dhe efektivët janë zhvendosur menjëherë pranë Parkut Rinia. Trupat e repartit special “Shqiponja” kanë rrethuar zonën dhe u kanë kërkuar me tonë kërcënuese qytetarëve të largohen nga trotuaret. Kjo ndërhyrje arbitrare ka nxitur debate të ashpra me banorët, të cilët i kanë përballur efektivët me faktin se paguhen nga taksat e po atyre qytetarëve që po dhunojnë. “Mos mendoni se ua jep Rama lekët, jua japim ne! Lekët i paguajmë neve! Duhet të na falënderoni neve!” u shpreh një prej qytetarëve.