Taulant Balla flet për ndërhyrjet e huaja në Shqipëri: "Irani dhe Rusia janë të përfshirë"

Kreu i Grupit Parlamentar të Partisë Socialiste, Taulant Balla, ka ngritur shqetësimin për ndërhyrjet e huaja në Shqipëri, duke përmendur Iraniun dhe Rusinë. Balla deklaroi se Shqipëria është përballur me sulme të vazhdueshme që nga viti 2022, duke pretenduar se Irani ka qenë drejtpërdrejt i përfshirë gjatë periudhës që i parapriu asaj që u emërtua më vonë si “revolucioni i flamingove”. Balla tha se grupi “Antifa” në Tiranë është Arlind Qori dhe persona të tjerë që, sipas tij, lidhen me këtë lëvizje. Ai ngriti gjithashtu pikëpyetje mbi aktivitetin në rrjetet sociale të një përfaqësueseje të partisë së Agron Shehajt, duke pretenduar se ajo ndjek në mënyrë të vazhdueshme deklaratat dhe faqen e Ambasadës Ruse në Tiranë.