Protestuesi godet shitësin që mbronte dyqanin nga plaçkitjet në Francë
Një shitës i dyqanit të videolojërave në qytetin francez të Nisës është sulmuar gjatë protestave të shtunës, ndërsa përpilohej për të mbrojtur biznesin e tij nga plaçkitjet.
Në video shihet momenti kur shitësi, i identifikuar si Pierre, qëndron përpara dyqanit të tij për të penguar protestuesit të hyjnë brenda. Pas një konflikti me një prej tyre, ai u godit me shkelm në shpinë dhe u rrëzua në tokë. Pas incidentit, Pierre ka pranuar se ndërhyrja e tij mund ta ketë vënë në rrezik, por shpjegoi se në ato momente synonte vetëm të mbrojë biznesin e tij. Gjatë protestave të zhvilluara në Nisë më 17 tetor, gjithsej 15 dyqane u plaçkitën ose pësuan dëme materiale. Ndërkohë, të dielën në mëngjes, policia ndaloi 85 persona, mes tyre 40 të mitur. Autoritetet nuk kanë dhënë detaje të mëtejshme për përgjegjësit e sulmit ndaj shitësit.