Rama mbledh grupin parlamentar për të hedhur në "letër" manovrat për shuarjen e protestës
Kryeministri Edi Rama ka vendosur të rrisë presionin ndaj studentëve dhe gjimnazistëve për të shuarën protestat, duke paralajmëruar masat administrative dhe heqjen e arsimit falas për ata që përfshihen në sulme ndaj policisë.
Kryeministri Edi Rama do të mblidhë grupin parlamentar në Kryesine e Kuvendit në orën 09:00 të nesërmen për të diskutuar masat për shuarjen e protestave studentore. Sipas njoftimeve, në këtë takim do të bëhen publike masat ndaj personave që kryejnë akte dhunë gjatë protestave.
Rama ka paralajmëruar përgjegjësi financiare për prindërit e të miturve të përfshirë në dhunë, duke thënë se fatura e dëmeve mund të ndjekë familjet për një kohë të gjatë. Ai ka kërkuar nxënësit që largohen nga shkolla dhe përfshihen në sulme ndaj policisë me masa administrative dhe heqje të arsimit falas.
Studentëve u ka paralajmëruar humbjen e bursave dhe mbështetjes financiare shtetërore, ndërsa mësuesve, përjashtim të përhershëm nga puna në shkolla dhe institucione shtetërore, duke përdorur shprehjen "kurrë në shtet më".