Protesta, 310 të lënduar që prej 13 tetorit

310 persona janë lënduar që prej 13 tetorit gjatë situatave të lidhura me protestat, sipas dhënave të raportuara nga strukturat spitalore. Njëri prej tyre, një përfaqësues i medias ndërkombëtare, ka marrë trajtimin e nevojshëm dhe është larguar nga spitali në gjendje jashtë rrezikut për jetë.

Aktualisht, në Spitalin Universitar të Traumës ndodhen dy kalimtarë, të cilët po i nënshtrohen ekzaminimeve të nevojshme. Një tjetër kalimtar i lënduar gjatë protestës është larguar pasi ka marrë trajtimin mjekësor.

Ndërkohë, sipas dhënave të Qendrës Spitalore Universitare “Nënë Tereza”, gjatë ditës sotme janë paraqitur për ndihmë mjekësore tre persona: një efektiv policie, një protestues i mitur dhe një përfaqësues i medias. Të tre ndodhen në gjendje shëndetësore stabile.

Bilanci i të lënduarve që prej 13 tetorit është 310 persona, sipas dhënave të raportuara nga strukturat spitalore. Kjo revoltë rinore ka pasur një meritë të madhe, ajo i bëri të njohur publikut të gjërë anën më kriminale të këtij regjimi që ishte deri më tani e konservuar në skutat më të fshehta.