Artan Hoxha kritikon RENEA-n: Kryeministrinë duhet ta mbrojë Gardën, jo forcat speciale

Gazetari Artan Hoxha, i ftuar në panelin e emisionit "Opinion", ka komentuar mënyrën e ndërhyrjes së forcave të Policisë së Shtetit gjatë protestave të zhvilluara javës e fundit në Tiranë. Hoxha ka cilësuar të pazakontë angazhimin e forcave speciale RENEA për ruajtjen e godinës së Kryeministrisë nga protestuesit. Sipas tij, detyra për mbrojtjen e institucionit i takon Gardës së Republikës, ndërsa RENEA duhet të përdoret për operacione kundër kriminelëve dhe jo për përballeje me qytetarët.

"Është reparti i fundit special që ka policia. Është i kufizuar dhe në numër. Nuk përballet me turma. Shtatë ditë protestë, s'ka asnjë protestues të armatosur. Kryeministrinë nuk e mbron RENEA, por Gardën e Republikës. Nxirr Gardën atje, po ke informacion që ka problem. RENEA është për të vrarë kriminelët, jo për t'u përballe me qytetarët. RENEA nuk del përballë studentëve e adoleshentëve. RENEA me automatik del, jo me bishta lopate", tha Hoxha.

Gazetari komentoi gjithashtu takimin e Kryeministrit Edi Rama me drejtuesit e Policisë së Shtetit, duke pretenduar se kreu i qeverisë po përdor forcat e policisë për të mbrojtur pushtetin e tij.

"Ata betimin e kanë bërë te flamuri kombëtar, jo te kryeministri që tallet me policinë. Ka dalë sot e ka trajtuar sikur të jenë mercenarë, është fshehur, po përdor policinë për të mbrojtur pushtetin, se ajo policë nuk e mbron dot shtetin. Çdo ditë, gjeografikisht, harta e veprimit të protestuesve zgjerohet, se kryeministri nuk dëgjon. Kjo policë që ti e ke degraduar, papritur del e fshihet pas tyre", tha Hoxha.

Më tej, Hoxha kritikoi edhe mënyrën se si policia është sjellë me protestuesit, duke vënë në pikëpyetje ndërhyrjet e efektivëve në rrugicat e lagjeve dhe përdorimin e gazit lotsjellës.

"Ditët e para ruante Kryeministrinë e lagjen e qytetit bosh. Më pas nuk i le të grumbullohen, por të del në shesh e të pyet: kush je ti? Ç'punë ka policia? Policia, po mori njoftim që ka protestë, kujdeset për mbarëvajtjen e protestës. Ky është kaos i organizuar. Ata, po të donin, hynin në Gjykatin e Apelit dhe i vinin zjarrin. Ata thyen xhamat që vihen nesër brenda ditës. Ata i treguan Ramës që mund të ruash vetëm Kryeministrinë, por jo institucionet. Njerëzit dolën 4 muaj dhe nuk i dëgjoi njeri, i talli.

Ata që kanë dalë në shesh janë njerëz që nuk kanë nga ia mbajnë mend. Sot dilni dhe kujtoni 21 janar. Ju po i rrihni njerëzit, përsë duhet të hysh në rrugicat e lagjes? Përsë duhet përdorur gaz me kaq intensitet të lartë?", tha Hoxha.