Shpërthim me tritol në Ishull-Lezhë, dëme në një magazinë materialesh shtëpiake

Sipas informacionit paraprak, një shpërthim me lëndë plasëse është regjistruar në mesnatë në Ishull-Lezhë. Lënda plasëse ka shpërthyer në një magazinë që përdorej për mbajtjen e materialeve shtëpiake, duke shkaktuar dëme materiale në llamarinën që mbulonte objektin. Deri më tani, nuk ka informacion të konfirmuar për persona të lënduar. Rrethanat dhe shkaqet e ngjarjes mbeten për t’u sqaruar.