"Berisha prodhon vetëm dhunë" - Mahmutaj: Saliu po tenton që t'ua vjedhë protestën qytetarëve

Gazetari Fatos Mahmutaj thotë se protestues të maskuar u fshehen te selia e PD, pas ata janë njerëz të Sali Berishës. Në një intervistë për “Ora e Fundit” në ABC News, Mahmutaj u shpreh se Berisha prodhon vetëm dhunë dhe se ai po tenton që t’ua vjedhë protestën qytetarëve. “Sulmuesit që andej dolën dhe andej u kthyen. Dihet mënyra sesi Berisha funksionon, funksionon në bazë të dhunës. Protestuesit e maskuar të cilët sulmuan policinë dhe institucionet shtetërore, dolën që andej dhe po atje u kthyen. Kryen atë ciklin e krimit dhe u kthyen në vendin e tyre, atje nga u nisën, pra nga Berisha. Berisha vetë dhunë prodhon, asgjë tjetër. Ka gjetur rastin, ka disa studentë në protestë kundër qeverisë dhe Berisha, duke përpjekur t’ua vjedhë protestëm, organizon grupet e dhunuesve, të cilët dhunuan bizneset në Tiranë, institucionet shtetërore, policinë dhe në fund fare u mblodhën aty ku e kanë vend dhunuesit, te PD, pra te Berisha dhe tha se do i marrë në mbrojtje ata”, theksoi ai.