Rama mbledh grupin parlamentar të PS-së për të diskutuar masat ndëshkuese ndaj protestuesve

Kryeministri Edi Rama ka mbledhur grupin parlamentar të Partisë Socialiste për të diskutuar situatën e krijuar nga protestat e fundit në Tiranë dhe masat e reja që qeveria synon të ndërmarrë ndaj personave të përfshirë në akte dhunë. Diskutimet pritet të përqendrohen në situatën e krijuar nga protestat dhe masat e reja që qeveria synon të ndërmarrë ndaj personave të përfshirë në akte dhunë.

Mes masave të paralajmëruara është edhe krijimi i një liste të zezë në sistemin TIMS, e cila mund të shoqërohet me kufizime për daljen jashtë vendit. Paketa e propozuar parashikon gjithashtu që dëmet e shkaktuara nga të miturit të faturohen familjeve të tyre, studentët e përfshirë në akte dhunë të humbasin mbështetjen financiare nga shteti, ndërsa mësuesit që nxisin nxënësit të përfshihen në veprime të tillë të përballen me largimin nga puna.

Gjatë gjashtë ditëve të para të protestave, më shumë se 260 persona të dyshuar për përfshirje në akte dhunë janë arrestuar, ndërsa dhjetëra të tjerë po ndiqen penalisht në gjendje të lirë. Përtej procedimeve ligjore, qeveria ka paralajmëruar edhe masa të tjera që synojnë të ndëshkojnë personat e përfshirë në incidentet e regjistruara gjatë tubimeve.

Më herët, Rama deklaroi se prindërit do të mbajnë përgjegjësi financiare për dëmet që shkaktojnë fëmijët e tyre gjatë protestave. Ai paralajmëroi gjithashtu se studentët që ushtrojnë dhunë ndaj punonjësve të policisë mund të humbasin të drejtën për arsim falas, bursat dhe përfitimet e tjera financiare nga shteti.

Në të njëjtin linjë, kryeministri ka paralajmëruar masa edhe për personelin arsimor, që sipas tij nxisin nxënësit të përfshihen në akte të dhunshme, duke përmendur mundësinë e largimit të tyre nga detyra. Propozimet pritet të jenë pjesë e diskutimeve në mbledhjen e grupit parlamentar socialist.