Vrasja në Kamëz: Vëllai i dy viktimave në gjendje të rëndë shëndetësore

Shefqet Islamaj, 48-vjeçari i plagosur në ngjarjen në Bathore, vazhdon të jetë në gjendje të rëndë shëndetësore në Spitalin e Traumes. Parametrat jetësorë të tij janë stabilizuar, por ai mbahet ende nën monitorimin e vazhdueshëm të mjekëve në reanimacion. Plumbi i ka prekur mushkëritë, duke rënë në gjendje të rëndë shëndetësore.

Ngjarja ndodhi një ditë më parë, kur autori i dyshuar, Ngushëllim Manzi, 40-vjeçari i Policisë Ushtarake, qëlloi me armë zjarri ndaj tre vëllezërve. Si pasojë, Selam Islamaj, 30 vjeçari dhe Nazmi Islamaj, 48 vjeçari, humbën jetën, ndërsa Shefqet Islamaj mbeti i plagosur.

Për ngjarjen dyshohet si autor fqinji i tyre, Ngushëllim Manzi, 40 vjeçari. Sipas banorëve të zonës, konflikti mes tyre dyshohet se ka nisur për shkak të një muri rrethues që tre vëllezërit po ndërontonin. Në momentin e ngjarjes, në vend kishte mbërritur një betoniere për hedhjen e betonit, por 40-vjeçari dyshohet se ka kundërshtuar punimet, duke shkaktuar debat mes palëve.

Përplasja dyshohet se ka përshkallëzuar deri në përdorimin e armëve të zjarrit. Sipas burimeve, gjatë konfliktit, 40-vjeçari dyshohet se ka qëlluar ndaj tre vëllezërve me armën e tij të shërbimit, një pistoletë.