Tabaku: Deputetët e PS janë në "arrest shtëpie" për një javë, sot janë mbledhur në Kryesitë e rrethuara nga policia

Deputetja e Partisë Demokratike, Jorida Tabaku, ka ironizuar ligjvënësit e Partisë Socialiste, duke deklaruar se ata kanë qenë në "arrest shtëpie" për një javë pasi nuk kanë zhvilluar asnjë takim për shkak të protestave.

Tabaku ka shprehur se pushteti është në ditët e fundit dhe se nuk mund të mbahet me forcë. Ajo ka denoncuar edhe dhunën e policisë ndaj protestuesve, duke vënë në dukje rendësinë e angazhimit të rinjve dhe pedagogëve për të ardhmen e vendit.

"Këta mendoj se do të mbajnë me forcë, ky nuk është shtet ligjor, po shtet policor. Arrestimet dhe dhuna barbare kanë bërë që Shqipëria të gdhijet në frikë. Kjo nuk është Shqipëria evropiane, nuk mbahet dot pushtet me forcë. Pas një javë që të gjithë deputetët e PS kanë qenë në arrest shtëpie, sepse në arrest shtëpie kam qenë, kanë qenë të zhdukur nga çdo takim, sot janë mbledhur në kryesitë e Kuvendit dhe sot kanë nevojë për policë. Dhuna e djeshme është vetëm shembulli për të treguar se ky pushtet është në ditët e fundit. Forca që kanë treguar studentët dhe pedagogët është forca që i duhet Shqipërisë për të bërë më e mirë", shprehë Jorida Tabaku.