Pedagogët thirrë politikës: Rinia u ngrit, është koha të reflektoni!

Pedagogët nga universitete të ndryshme të vendit janë bashkuar me studentët që po protestojnë para Korpusit Universitar në Tiranë, duke shprehur mbështetjen e tyre për rininë që proteston. Një prej pedagogëve të pranishme ka përcjellë një mesazh klasës politike, duke theksuar se reagimi i të rinjve duhet të merret seriozisht dhe se institucionet duhet të reflektojnë përballë situatës së krijuar.

“Ju falënderoj për atë që po bëni, për transmetimin e asaj që po ndodh në protestën. Sot pedagogët nga të gjitha universitetet kanë ardhur për të treguar mbështetjen ndaj studentëve. Këto ditë janë të vështira për të gjithë”, u shpreh pedagogja.

Ajo iu drejtoi klasës politike me thirrjen për reflektim dhe angazhim institucional, duke theksuar se përgjegjësia nuk i takon vetëm kryeministrit, por edhe Kuvendit.

“Politika duhet të thërret arsyes. Jo vetëm kryeministri. Kemi një parlament që ka pushuar se ekzistuari. Ata duhet të marrin nismat e tyre në Kuvend”, u shpreh ajo.

Pedagogët e pranishëm kanë shprehur kështu mbështetjen e tyre për studentët protestues, ndërsa protesta vijon në Tiranë.